Udhëtim Stamboll 4 ditë me guide turistike

Pas konsumimit të mëngjesit, në shoqërinë e guidës tonë vizitohen atraksionet e mëposhtme: Lagjja Balat – zonë e vjetër me shtëpi shumëngjyrëshe dhe rrugë plot histori e atmosferë tradicionale; Xhamia Çamlıca – xhamia më e madhe në Turqi, e vendosur në një kodër me pamje të jashtëzakonshme të Stambollit. Shëtitje me anije në Bosfor – një udhëtim relaksues midis dy kontinenteve, me pamje të pallateve dhe urave ikonike (e detyrueshme: 15 €). Sheshi Taksim – zemra moderne e Stambollit, e mbushur me jetë, dyqane dhe energji urbane; Vizitë tek Kulla Galata. Në darkë, opsionale, Turkish Show me muzikë, i cili zhvillohet në anije nën urën e Bosforit, ku përfshihet edhe darka.

Pas konsumimit të mëngjesit vizitohet Xhamia Blu – një nga xhamitë më të njohura në botë, e famshme për kupolat elegante dhe pllakat blu që i japin emrin; Bazilika e Shën Sofisë dhe vizitë tek Topkapi deri tek oborri i parë (pa pagesë) – pallati perandorak osman me oborre historike që ofrojnë një hyrje në jetën e sulltanëve. Vizitë dhe kohë e lirë në Grand Bazaar – një labirint tregu me mijëra dyqane plot suvenire, zanate dhe atmosferë orientale. Kohë për të eksploruar sipas dëshirës, duke përfituar nga rekomandimet e guidës. Akomodimi në hotel.

Nisja nga Stambolli në orën 02:30 të mëngjesit. (Hoteli jua paketon mëngjesin me vete). Ndalesë në Selanik rreth 1 orë e 30 minuta për të pushuar dhe për të konsumuar drekën. Arritja në Tiranë në mbrëmje. Fundi i shërbimit tonë!