BLOG

Ja cfarë duhet të bëni gjatë një vizite në Barcelonë

Barcelona, një nderthurje e jetës se gjalle së bashku me klimën perfekte mesdhetare krijojnë një eksperiencë të paharrueshme . Ja cilat janë gjërat më interesante që duhet të bëni gjatë pushimeve në Barcelonë:

1. Admironi Sagrada Familia,e pasur me simbolikë fetare të ndërthurura me tema të natyrës dhe forma të pazakonta gjeometrike, kjo është një nga monumentet më tërheqëse vizualisht që do të gjeni në Evropë. Sagrada Família ka qenë në ndërtim e sipër për më shumë se 100 vjet dhe nuk pritet të përfundojë deri në vitin 2026.
2. Zbuloni rrugicat e fshehura të lagjes gotike. 
3. Ndjeni praninë e artistëve si Pablo Picasso dhe Salvador Dali por mos lini pa vizituar muzeun modern MACBA të artit bashkëkohor të Barcelonës dhe një nga institucionet më të vlerësuara të këtij lloji në Evropë. Duke mos harruar gjithashtu dhe artin e rrugës në Barcelonë i cili tërheq artistë dhe admirues nga e gjithë bota.
4. Shijoni trashëgiminë e kuzhinës së Ferran Adria në restorante të tilla si Dos Palillos, Alkimia dhe Tickets që vazhdojnë traditën e inovacionit të kuzhinës.
5. Vizitoni shtëpine e koleksionit te Joan Mirro. Ai është i famshëm për veprat e tij të guximshme surrealiste të artit, të konceptuara duke përdorur ngjyra të gjalla për të krijuar skena (shpesh të përshkruara si gati fëminore).
6. Ka pak tregje ushqimore në botë si Tregu Boqueria, i cili ndodhet në Las Ramblas. Kjo ndërtesë e shekullit të 19-të u konceptua nga planifikuesit lokalë të qytetit dhe fillimisht ishte projektuar që të përmbante kryesisht tezga me mish dhe peshk. Ndërsa blerësit e sotëm mund të gjejnë gjithçka, nga frutat ekzotike deri te erëzat e rralla nën mbulesat e saj, karuseli i peshkut në qendër të ndërtesës mbetet një nga pikat kryesore të kësaj ndërtese spektakolare.
7. Bëni shopping në pikën më të nxehtë të stilistëve, Passeig de Gràcia. Bulevardi është shtëpia e disa prej etiketave të stilistëve më në modë dhe më të vlerësuara në botë, duke përfshirë Chanel, Stella McCartney dhe Gucci.
8. Mahnituni me stadiumin më të madh në Evropë me një kapacitet prej pak më pak se 100,000. Stadiumi është i hapur për publikun për "Camp Nou Experience", i cili përfshin një turne në stadium dhe një vizitë në Muzeun e FC Barcelona, i cili përmban trofe, kujtime dhe fanella origjinale të futbollit.
9. Shijoni jetën e natës në një ndër lagjet më të gjalla dhe multikulturore në Barcelonë, lagja El Raval.
10. Ka pak qytete në Evropë ku mund të shijoni kulturën dhe gjallërinë e një pushimi në qytet me argëtimin dhe relaksimin e pushimeve në plazh, megjithatë Barcelona ofron më të mirën e të dy botëve, falë vendndodhjes së saj pikërisht në vijën bregdetare të Mesdheut.