BLOG

PSE DUHET TE VIZITONI BUTRINTIN?

Butrinti është parku arkeologjik më i madh në Shqipëri

Butrinti nuk është thjesht më i bukuri nga të gjithë parqet arkeologjike në Shqipëri, por është edhe më i madhi. Parku u zbulua në vitet ’20 nga arkeologu italian Luigi Maria Ugolini, kur Shqipëria ishte nën pushtimin Italian, i cili u frymëzua nga poema e Virgjilit Eneid.

 

Është gjithashtu parku arkeologjik më i madh në Gadishullin Ballkanik

Butrinti është një nga vendet më të rëndësishme historike dhe arkeologjike në Shqipëri. Por, jo vetëm që është ndër më të rëndësishmit, por është edhe ndër më të mëdhenjtë në Ballkan me një sipërfaqe prej 9000 ha duke përfshirë edhe liqenin. Gjithashtu, Butrinti është një nga 15 vendet më të rëndësishme arkeologjike në botë sipas disa arkeologëve të famshëm. Kjo për shkak të natyrës së saj dhe rrënojave arkeologjike.

 

Butrinti ndodhet afer plazhit

Çdo udhëtar duhet të përfshijë Butrintin në itinerarin e tij të udhëtimit në Shqipëri sepse është padyshim një nga pikat kryesore të Tokës së Shqiponjave. Një plus është se parku arkeologjik ndodhet pranë disa prej plazheve më të bukura përgjatë detit Jon, si Ksamili dhe plazhet e Sarandës.

 

Butrinti është një mikrokozmos i kulturës mesdhetare

I banuar që në kohërat parahistorike para lindjes së Krishtit, Butrinti ishte qendra e kolonive pellazge, helene, romake dhe bizantine. Ajo gëzoi një periudhë lulëzimi nën administrimin bizantin, më pas u pushtua nga venecianët dhe në mesjetën e vonë u braktis pasi u krijuan këneta në zonë. Me kaq shumë kultura që lënë gjurmë në tokë, ajo është bërë një mikrokozmos i kulturës mesdhetare.

 

Butrinti ka një kështjellë të mrekullueshme

Gjithashtu në majë të kodrës është një kështjellë e mrekullueshme, mos e humbisni rastin ta vizitoni dhe të zbuloni diçka më shumë për historinë e parkut arkeologjik. Kalaja u ndërtua nga osmanët në fillim të shekullit të nëntëmbëdhjetë për t’i shtuar qytetit një sistem mbrojtës.

 

Butrinti është një park kombëtar dhe një vend i Trashëgimisë Botërore të UNESCO-s

Nuk është çudi që në vitin 2000, qeveria shqiptare e futi Butrintin në listën e parqeve kombëtare të Shqipërisë për bukurinë dhe rëndësinë e tij. Mirënjohja më e rëndësishme e marrë nga Butrinti është se në vitet e kaluara është shpallur si trashëgimi botërore e UNESCO-s. Butrinti është ruajtur në mënyra të shkëlqyera dhe ndodhet në një peisazh të mrekullueshëm, ndaj e meritonte plotësisht këtë mirënjohje.

 

Butrinti është një parajsë për adhuruesit e natyrës gjithashtu ofron një pamje magjepsëse

Butrinti nuk është thjesht një park arkeologjik i rëndësishëm dhe interesant me rrënoja dhe artefakte antike. Falë vendndodhjes së tij spektakolare, i fshehur në mes të një pylli të rrethuar nga shumë pemë, lule dhe Kanali i Vivarit, Butrinti është një parajsë edhe për adhuruesit e natyrës.

Nga maja e kodrës së Butrintit, ku dikur ka qenë akropoli i qytetit të vjetër, mund të admironi pamje mahnitëse të zonave përreth. Panorama mbi rrënojat antike, Kanali i Vivarit dhe ngushtica e Korfuzit janë disa nga pamjet më të pabesueshme që çdo udhëtar duhet të shohë në Shqipëri.

 

Butrinti përmendet në Eneidën e Virgjilit

Butrinti dikur ishte një nga qytetet më të rëndësishme në Mesdhe, një vend ku njerëzit nga Perëndimi dhe Lindja takoheshin me njëri-tjetrin. A e dini se ajo u përmend në poemën e kryeveprës së Virgjilit, Eneida? Virgjili regjistroi se Enea vizitoi Butrintin pas arratisjes së tij nga shkatërrimi i Trojës.

 

Konsiderohej për fuqitë shëruese që sot është bërë një logo për Farmacitë

Është e rëndësishme të kujtojmë se ky vend konsiderohej se kishte fuqinë e shërimit. Butrinti kishte një tempull për nder të Zotit shërues/mjekësor Asklepi. Kjo është arsyeja që pranë teatrit mund të shihet gjarpri i gdhendur që sot është pjesë e logos së Farmacisë. Për më tepër, teatri është ndërtuar me donacionet e bëra për tempullin e Asklepit. Thuhet që edhe në ditët e sotme energjia e tij është e pranishme në këtë vend.

 

Mos e humbisni këtë perlë te Shqipërisë,vendin e miteve, mikrokozmosin e kulturave, vizitoni Butrintin